Yaponiyanın Hiqasiura şəhərində avtomobil bir neçə bağça uşağını vurub.

İnsident nəticəsində azı 10 azyaşlı xəsarət alıb.

Xəsarət alan uşaqlar yaxınlıqdakı xəstəxanaya çatdırılıb. Onların ciddi xəsarət almadığı bildirilir.

Qəzanı törədən 70-80 yaş aralığında olan sürücü də xəstəxanaya yerləşdirilib.

Onun özünü pis hiss etdiyi və yol-nəqliyyat hadisəsinin də məhz bu səbəbdən meydana gəldiyi qeyd olunur.

Hadisə yerində hüquq-mühafizə orqanlarının əməkdaşları araşdırma aparır.

Mənbə: Asahi nəşri