Eastnews.org-un verdiyi xəbərə görə, “Əl-Qaidə” terror təşkilatının Əfqanıstandakı döyüşçülərinin sayı ABŞ qoşunlarını avqustun sonunda ölkədən çıxardıqdan sonra artdığı ehtimal edilib.

Bu barədə ötən gün “Associated Press” agentliyinə müsahibəsində ABŞ Silahlı Qüvvələrinin Mərkəzi Komandanlığının (CENTCOM) rəhbəri general Kennet Makkenzi bildirib.

“Düşünürəm ki, onların sayı (Əfqanıstanda) bir qədər artıb. Orada (Əl-Qaidə) varlıq var. Biz hesab edirdik ki, bu münaqişənin sonunda (ABŞ-ın bu ölkədəki hərbi əməliyyatının başa çatması) xeyli azalıb. Düşünürəm ki, bəzi insanlar yəqin ki, (Əfqanıstana) qayıdıblar. Amma bu, bizim izlədiyimiz “mövzulardan” biridir. Mən indi dəqiq rəqəm söyləməyə hazır deyiləm”, - deyə general bildirib. General əlavə edib ki, Əfqanıstan sərhəddində etibarlı təhlükəsizliyin olmaması “Əl-Qaidə” döyüşçülərinin Əfqanıstana qayıtmasına imkan verir və onlar bunu ediblər.

Mənbə: TASS