Böyük Britaniyada epidemiyanın başlanğıcında görülən ilk tədbirlərdən biri olan distant iş yeni növ koronavirusun “Omikron” variantına görə bərpa edilib. “Omikron” variantının sayının 3 minə çatdığı ölkədə hökumət tədbirlərdə “B planı”na keçib. Buna uyğun olaraq, marketlər və ictimai nəqliyyat vasitələrindən sonra teatr və kinoteatr kimi əksər qapalı yerlərdə maska taxmaq məcburi hala gəlib.

İlk dəfə peyvənd pasportunun tətbiq olunduğu ölkədə insanların çox olduğu gecə klubları kimi yerlərə daxil olarkən ən azı 2 doza peyvənd edildiyini və ya test nəticəsinin mənfi olduğunu göstərən sənəd istəniləcək.

Bu tədbirlərə əlavə olaraq, bu gündən etibarən ölkədə distant işə yenidən qayıdılıb. Hökumətin təlimatında işlərini evdə görə bilən ofis işçiləri bunu etməyə çağırıb.

Müraciətin ilk günündə ictimai nəqliyyat vasitələrində və stansiyalarda səhər saatlarında digər günlərlə müqayisədə daha az sıxlıq müşahidə edilib.

Mütəxəssislər həmçinin xəbərdarlıq ediblər ki, “Omikron” variantına qarşı kəskin tədbirlər görülməsə, ölkədə 25-75 min insan ölə bilər.

Britaniya 170 000 ölümlə Avropada COVID-19-dan ən çox ölümün qeydə alındığı ölkədir.

Mənbə: Anadolu agentliyi