İsrail ordusunun sözçüsü Suriyanın Dəməşq bölgəsinə raket zərbələri endirməsi ilə bağlı mediada yayılan xəbərləri şərh etməyib. AzVision.az xəbər verir ki, bu barədə “TASS” məlumat yayıb.

“Biz xarici mediada yayılan xəbərləri şərh etmirik", - açıqlamada deyilir.

Daha əvvəl “Al Ekhbariya” telekanalı hərbi mənbəyə istinadən məlumat verib ki, Suriya hava hücumundan müdafiə sistemləri bazar ertəsi Dəməşq üzərində hava hədəflərinə atəş açıb. Onun sözlərinə görə, İsrail Hərbi Hava Qüvvələrinin atdığı raketlərin bir qismi məhv edilib. Hücum yerli vaxtla 03:05 radələrində həyata keçirilib və maddi ziyanla nəticələnib.