Almaniya ABŞ-dan 60 ədəd yeni "Chinook" helikopteri almağa hazırlaşır.

Axar.az xəbər verir ki, bu barədə hökumətdəki mənbələrə istinadən “Bild” nəşri məlumat yayıb.

Məlumata görə, "CH-47F" tipli ağır nəqliyyat helikopterləri Amerika istehsalçısı "Boinq"dən təxminən 5 milyard avroya alınır. Onların dəyəri Rusiyanın Ukraynaya müdaxiləsindən sonra kansler Olaf Şoltsun yaratdığı təxminən 100 milyardlıq xüsusi fonddan ödəniləcək. Bununla da hakimiyyət alman ordusunun gücünü bərpa etməyə çalışır.

Qeyd olunur ki, yeni helikopterlərin seçilməsinin vacib səbəbi NATO müttəfiqlərinin çoxunun onlardan istifadə etməsidir.