Yaxın həftələrdə Ukrayna ordsunun əks-hücumları Xerson və Zaporojyedəki rus hərbçilərini daha da təhdid edəcək.

Axar.az xəbər verir ki, bu barədə Müharibənin Öyrənilməsi İnstitutunun məlumat yayıb.

Məlumata görə, Ukrayna Silahlı Qüvvələrinin son əks-hücumları uğurlu olub:

“Ukraynanın yerli əks-hücumları Rusiya qoşunlarını, xüsusən də Xerson və Nikolayev vilayətlərinin sərhədləri boyunca geri çəkməyə davam edəcək. Növbəti həftələrdəki əks-hücumlar Xersondakı ruslar üçün ciddi təhdidə çevriləcək. Zaporojye vilayətində Ukraynanın uğurlu əks-hücumları işğalçıları təcili olaraq cəbhə xəttinin bu zəifləmiş hissəsinə əlavə qüvvələr köçürməyə məcbur edir”.