Rusiyalı işğalçılar öz ailələrini işğal olunmuş Melitopoldan çıxarmağa başlayıblar.

Bu barədə “Apostrof” TV-nin efirindən şəhərin meri İvan Fyodorov xəbər verib («UNİAN»).

Onun sözlərinə görə, ötən həftə Melitopolda işğalçılar üçün «komfortsuz» olub. Fyodorovun fikrincə, işğalçılar anlayırlar ki, şəhəri tezliklə tərk etməli olacaqlar.

«Bunun nəticəsi olaraq, Rusiya Federasiyasının hərbçiləri öz ailələrini Melitopoldan çıxartmağa başlayıblar. Əlbəttə, biz anlayırıq, onlar nə üçün bunu edirlər. Çünki başa düşürlər, bu şəhərin ərazisindən tez qaçmalı olacaqlar, ailələrlə birlikdə bu, çətin olacaq» - mer qeyd edib.

Bundan əvvəl xəbər verildiyi kimi, Melitopol partizanları Ukrayna ordusunun fəaliyyətinə dətək verirlər. Onlar dəmir yol obyektlərini məhv edirlər, düşmənin logistikasını ləngidirlər və işğalçı bölmələrinin yerdəyişməsi barədə Ukrayna qüvvələrinə məlumat verirlər.

AzPolitika.info