Çin Xalq Bankının açıqladığı "2022 RMB (Chinese Currency Renminbi – Çin valyutası Renminbi və ya Yuan) Beynəlxalqlaşdırma Hesabatı"na əsasən, 2021-ci ildən, RMB transsərhəd daxilolmalarının və ödənişlərinin məbləği əvvəlki ilin yüksək bazası əsasında artmaqda davam edir.

2021-ci ildə banklar tərəfindən müştərilərin adından həyata keçirilən transsərhəd daxilolma və ödənişlərin ümumi məbləği 36,6 trilyon yuana çatıb. Keçən illə müqayisədə 29,0 % artıb, daxilolmalar və ödənişlərin məbləği isə rekord həddə çatıb. RMB transsərhəd daxilolmaları və ödənişləri il ərzində 404,47 milyard yuan məcmu xalis daxilolma ilə ümumilikdə sabit idi. Ümumdünya Banklararası Maliyyə Telekommunikasiya Cəmiyyətinin (SWIFT) məlumatlarına görə, 2021-ci ilin dekabr ayında RMB beynəlxalq ödənişlərin payı 2,7 %-ə qədər artaraq, dünyanın dördüncü ödəniş valyutası olan Yapon yenini keçib və bu ilin yanvar ayında daha da artaraq 3,2 %-ə çatmaqla rekord həddə yüksəlib.

Beynəlxalq Valyuta Fondunun (IMF) açıqladığı Rəsmi Valyuta Ehtiyatlarının Valyuta Tərkibi (COFER) məlumatlarına əsasən, 2022-ci ilin birinci rübündə RMB qlobal valyuta ehtiyatlarının 2,88 %-ni təşkil edib ki, bu da əvvəlki dövrlə müqayisədə yüksəkdir. RMB Xüsusi Borc Hüquqları (SDR) valyuta səbətinə ilk dəfə əlavə edildiyi 2016-cı illə müqayisədə, 1,8 faiz bəndi artaraq əsas ehtiyat valyutaları arasında beşinci yeri tutub. Eyni zamanda, real iqtisadiyyatla bağlı yuanlarda transsərhəd hesablaşmaların həcmi sürətlə artmağa davam edib, əmtəə və transsərhəd elektron ticarət kimi sahələr yeni artım nöqtələrinə çevrilib. Transsərhəd ikitərəfli investisiya fəaliyyəti isə fəal olaraq qalır. RMB məzənnəsi ümumiyyətlə ikitərəfli dalğalanma tendensiyası nümayiş etdirib və bazar oyunçularının məzənnə risklərindən qaçmaq üçün RMB-dən istifadə etməklə endogen tələbi tədricən artıb. RMB transsərhəd investisiya və maliyyələşdirmə, əməliyyatların hesablanması və s. kimi əsas sistemlər təkmilləşməyə davam edib. Real iqtisadiyyata xidmət etmək qabiliyyəti davamlı olaraq artırılıb.

L.SƏMLA

AzPolitika.info