Hurriyyet.org xəbər verir ki, ABŞ prezidenti Barak Obamanın imzaladığı qanun layihəsinə əsasən, zənci (negro) və “şərqli” (oriental) kimi anlayışlar federal qanunvericilikdən çıxarılır. Məlumatı “ABC News” agentliyi yayıb.
Qanun layihəsini Nyu-York ştatından olan konqressmen-deputat Qreys Menq təqdim edib. Sənəddə məqsəd “azlıqları bildirən terminologiyanın modernləşdirilməsidir”. 1970-ci illərin axırlarında ictimai səhiyyə barədə qanunda qeyd edilən bu sözlər siyasi cəhətdən nəzakətli hesab edilmir.
Qanun layihəsi imzalandıqdan sonra konqressmen bildirib: “Şərqli” termininə federal qanunvericilikdə yer olmamalıdır. Bu təhqiredici və köhnəlmiş epitet daha istifadə edilməməlidir. Menq prezidentin bu addımını alqışladığını və ona təşəkkür etdiyini bildirib.
Qeyd edək ki, xanım Qreys Menq – ABŞ Konqresində Nyu-Yorku təmsil edən ilk Asiya mənşəli amerikalıdır.