Şimali Koreya ballistik raket buraxıb
13-09-2023, 10:36
KXDR daha bir ballistik raketin buraxılışını həyata keçirib.
“Report” xəbər verir ki, bu barədə Yaponiya Sahil Mühafizəsi məlumat yayıb.
Xidmət həmçinin bildirib ki, ehtimal ki, raket artıq yerə düşüb.
Raketin düşdüyü dəqiq yeri açıqlanmır. Yapon nəzarətçiləri bölgədəki gəmiləri, əgər raket qalıqları aşkar edilərsə, onlara yaxınlaşmamağa, dərhal səlahiyyətlilərlə əlaqə saxlamağa çağırıb.
Sahil Mühafizəsi daha sonra Şimali Koreyanın raket buraxması ilə bağlı növbəti xəbərdarlıq edib.
