Ukraynanın NATO-ya üzvlüyü Vaşinqtonun maraqlarına cavab vermir - ABŞ prezidentliyinə namizəd
24-09-2023, 10:26
Ukraynanın NATO-ya daxil olması Birləşmiş Ştatların maraqlarına uyğun gəlməyəcək.
APA xarici KİV-ə istinadla xəbər verir ki, bu barədə 2024-cü ildə ABŞ-da keçiriləcək prezident seçkilərində Respublikaçılar Partiyasından namizədliyini irəli sürən Florida qubernatoru Ron Desantis deyib.
O qeyd edib: “Məncə, (Ukraynanın – red.) NATO-ya üzvlüyü bizim maraqlarımıza uyğun deyil. Bu, bizim üçün daha çox öhdəlik demək olacaq və əgər daha çox öhdəlik varsa, onda bizə nə fayda var”
Desantis, həmçinin vurğulayıb ki, Vaşinqton Kiyev hakimiyyətinə sonsuz miqdarda vəsait ayırmamalıdır.
