Bu ölkənin milli valyutası 50 % devalivasiyaya uğrayacaq
13-12-2023, 15:38
“Argentina pesosu dollar qarşısında ciddi devalvasiyaya uğrayacaq”.
“Qafqazinfo” xarici mətbuata istinadən xəbər verir ki, bu barədə məlumatı ölkənin iqtisadiyyat naziri Luis Kaputo açıqlayıb.
Nazir tədbirlərin Argentinanın iqtisadi sabitliyini təmin etmək üçün həyata keçirildiyini qeyd edib:
“Argentina iqtisadiyyata kömək etmək üçün fövqəladə tədbirlər çərçivəsində pesonu 50 faizdən çox devalivasiya edəcək”.
O, ölkənin çətin bir prosesdən keçəcəyini, hiperinflyasiya riskinin olduğunu vurğulayıb.
Hökumət rəsmisi deyib ki, peso illərdir sərt kapital nəzarəti ilə süni şəkildə gücləndirilib.
