Yaponiyada zəlzələ nəticəsində ölənlərin sayı açıqlandı
2-01-2024, 10:14
Yaponiyanın qərbindəki İsikava prefekturasında və bu bölgədəki Noto yarımadasının sahillərində baş verən zəlzələlərdə 24 nəfər həyatını itirib.
“Qafqazinfo” bu barədə xarici KİV-ə istinadən xəbər verir ki, dünən Noto yarımadasında və qərbdəki İsikava sahillərində 5-7 bal gücündə bir neçə zəlzələ baş verib.
Belə ki, Yaponiyanın qərbində son 2 saat ərzində 5-7,6 bal gücündə daha 9 zəlzələ baş verib.
Açıqlamada həmçinin gecə ərzində bölgədə 4-5 bal gücündə bir neçə yeni zəlzələnin baş verdiyi bildirilib.
Bildirilib ki, zəlzələlərdən sonra magistral yollar dağılıb, 14 nəfərin müxtəlif nöqtələrdə dağıntılar altında xilas olunmağı gözlədiyi müəyyən edilib.
