"German Car Depot" sahibi Alan Qelfand bəzi məşhur avtomobil markalarının yüksək reputasiyasına baxmayaraq, onların bəzi modellərinin olduqca etibarsız olduğunu bildirib və bu avtomobillərin alınmamasını tövsiyə edib.

Bu barədə "GOBankingRates" nəşrinə danışıb.

1. BMW 3 Series (2012–2015)

İdman xarakteri və öz sinfində yüksək komfortu ilə tanınan bu modelin 6-cı nəsli tez-tez yağ sızması, qazpaylama zəncirinin (GRM) sıradan çıxması və mühərrikin soyutma sistemi, xüsusən də su nasosu ilə bağlı problemlərlə üzləşir.

2. Audi Q5 (2013–2017)

Praktik krossover olmasına baxmayaraq, bu modelin su nasosunun tez xarab olması və elektronika nasazlıqları geniş yayılıb. Böyük yürüşlü avtomobillərdə bu qüsurlar daha çox nəzərə çarpır. Həmçinin, mühərrik yağının həddən artıq sərfi və GRM zəncirinin nasazlığı da müşahidə olunur.

3. Honda Odyssey (2010-cu illərin əvvəli)

Ailəvi miniven kimi tanınan bu modelin bəzi illərində sürət qutusunun aşağı etibarlılığı, katalitik neytrallaşdırıcı nasazlıqları və yağ sızması geniş yayılıb. Bu təmir işləri, xüsusilə sürət qutusu ilə bağlı olanlar, bahalı başa gələ bilər.

4. Toyota Camry (2010-cu illərin əvvəli)

Adətən etibarlılıq simvolu kimi qəbul edilsə də, bu dövrün Camry modellərində mühərrik yağının normadan artıq sərfi, bəzi sensor nasazlıqları və su nasosu problemləri müşahidə edilir.

Bu modellərin hər biri öz seqmentində tanınsa da, ekspertin fikrincə, ikinci əl bazarında alıcılar onların potensial təmir xərclərini nəzərə almalıdırlar.