Ronni Lonq adlı ABŞ vətəndaşı haqsız yerə 44 il həbsdə yatdığına görə 25 milyon dollar təzminat alacaq.
Gununsesi.info xəbər verir ki, bu barədə CBS telekanalı məlumat yayıb.

Bildirilib ki, o, 1976-cı ildə soyğunçuluq və zorlama ittihamı ilə ömürlük həbs cəzasına məhkum edilib. Həmin vaxt onun 21 yaşı olub. 2020-ci ilin avqustunda isə məhkəmə ona tam bəraət verib və hökmü ləğv edib.
Onun indi 68 yaşı var. 25 milyon dollardan əlavə, yaşadığı Şimali Karolina ştatının Konkord şəhər rəhbərliyi ondan açıq məktub şəklində üzr istəyib.
“Cənab Lonqa, onun ailəsinə, dostlarına və cəmiyyətimizə böyük zərər vurmuş keçmiş səhvlərə görə peşmanıq. Cənab Lonqa və ailəsinə onlardan alınanları tam şəkildə qaytara biləcək heç bir vasitə yoxdur. Keçmiş səhvləri düzəltmək və məsuliyyət daşınması üçün əlimizdən gələni edirik”, – bəyanatda vurğulanıb.