İsrail Knesseti (parlamenti) ikinci və üçüncü, yekun oxunuşlarda ölkədə “düşmən medianın” bağlanmasına icazə verən qanunu təsdiqləyib.

32gun.az bildirir ki, bu barədə “The Times of Israel” məlumat yayıb .

Nəşrin məlumatına görə, qanunun lehinə 71 deputat səs verib, yalnız 10 deputat onun əleyhinə çıxış edib.

Eyni zamanda, sənədin qüvvəyə minməsindən dərhal sonra baş nazir Benyamin Netanyahunun İsraildə də fəaliyyət göstərən Qətərin “Əl-Cəzirə” telekanalının bağlanması proseduruna sürətlə başlamaq niyyətində olduğu gözlənilir .

Qanun layihəsi parlament tərəfindən fevralın 12-də birinci oxunuşda təsdiqlənib . Eyni zamanda, sənəd parlament komissiyalarında lazımi təsdiqlərdən keçib.

Nəşrin məlumatına görə, İsrailin rabitə naziri avadanlıqları müsadirə olunmaqla xarici KİV-ləri bağlamaq hüququna malik olacaq. Ancaq belə bir qərar yalnız ölkənin Müdafiə Nazirliyi jurnalistlərin hərəkətlərindən “dövlətin təhlükəsizliyinə real ziyan vurduğunu” aşkar etdikdən sonra mümkündür.