Fransanın idman naziri Amelie Oudea-Kastera “Monako”nun futbolçusu Məhəmməd Kamaranı homofobiya ilə mübarizə aksiyasında iştirak etmək istəmədiyinə görə cəzalandırmağa çağırıb.

Publika.az xəbər verir ki, yarımmüdafiəçi Liqa 1-in 34-cü turunun “Nant”la oyununda (4:0) formasının üzərinə olan homofobiya ilə mübarizəyə dəstək üçün loqonun üstünü örtüb.

“Mən bu davranışı qəbuledilməz hesab edirəm. Və hesab edirəm ki, həm futbolçuya, həm də ona bunu etməyə imkan verən kluba qarşı ən sərt sanksiyalar tətbiq olunmalıdır”, – “RMC Sport” internet nəşri idman nazirinin sözlərindən sitat gətirib.

Xatırladaq ki, “Monako” 2023/2024 mövsümünü Fransa çempionatının turnir cədvəlində ikinci yerdə başa vurub. “Monako” gələn mövsüm Çempionlar Liqasında iştirak edəcək.