Qərb Ukrayna və Rusiya arasında danışıqlarda maraqlı deyil. Müttəfiqlər hesab edirlər ki, Kiyevə döyüş meydanında vəziyyəti sabitləşdirmək imkanı vermək daha vacibdir.

Bunu ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen deyib. O həmçinin bildirib ki, Moskva sülhdə maraqlı deyil.

“Ukraynanın döyüş meydanında sabitlik əldə etmək imkanının olması vacibdir”, - O`Brayen deyib.

Qeyd edək ki, bundan əvvəl Ceyms O`Brayen Şimali Atlantika Alyansının iyulun 9-dan 11-dək Vaşinqtonda keçiriləcək sammit zamanı Ukraynanı NATO-ya üzv olmaq üçün dəvət etməyəcəyini bildirib.
TASS