Almaniyanın Münhen şəhərində polis bu gün İsrail konsulluğu və nasist sənədləşdirmə mərkəzinə yaxın ərazidə bir şübhəlini güllələdiyini açıqlayıb.

Almaniya polisi X sosial şəbəkəsində verdiyi açıqlamada güllələnən şəxsin yaralandığını bildirsə də, heç bir təfərrüat verməyib.

Açıqlamada hadisə ilə bağlı başqa şübhəlilərin olduğuna dair heç bir işarənin olmadığı bildirilib.

Həmin şəxsin hansı səbəbdən şübhəli sayılması ilə bağlı məlumat verilməyib. Sosial şəbəkələrdə yayılan videoda atışma əks olunub.

Bu hadisə 1972-ci il Münhen Olimpiadasında hücumun ildönümündə baş verib.