Rusiya səfirliyi öz vətəndaşlarına müvəqqəti olaraq İrana səfərdən çəkinməyi tövsiyə edib.

“İran ətrafında vəziyyətin gərginləşməsi ilə əlaqədar Rusiya səfirliyi Rusiya Federasiyası vətəndaşlarına müvəqqəti olaraq vəziyyət normallaşana qədər İran İslam Respublikasına səfərlərdən çəkinməyi tövsiyə edir”, – Rusiya səfirliyinin bəyanatında deyilir.

Bundan əvvəl İran Fələstinin HƏMAS qruplaşmasının Siyasi Bürosunun rəhbəri İsmayıl Haniyə və Livan Hizbullah hərəkatının lideri Seyid Həsən Nəsrullahın öldürülməsinə cavab olaraq İsrailə raket zərbələri endirib.

Tərəflər qarşılıqlı təhdidlər səsləndiriblər.