Fransa "Rafale" qırıcı təyyarəsinin müşayiətçisi olacaq pilotsuz uçuş aparatı (PUA) hazırlamağa başlayıb. Layihə "Dassault Aviation" şirkəti ilə təyyarələrin modernləşdirilməsi çərçivəsində həyata keçirilir.

Bu barədə "Defense News" məlumat yayıb.

Fransa Silahlı Qüvvələr İdarəsi açıqlayıb ki, pilot "Rafale" kabinəsindən bu pilotsuz uçuş aparatını da idarə edə biləcək. Dron "Dassault"un "nEUROn" pilotsuz aparatı layihəsi əsasında hazırlanacaq.

"Döyüş qabiliyyətli dron Fransa Hərbi Hava Qüvvələrinin 2033-cü ilə qədər texnoloji və operativ üstünlüyünü təmin edəcək", - "Dassault Aviation"ın baş direktoru Erik Trappier bildirib.