ABŞ Yaxın Şərqdəki əsas müttəfiqinin müdafiəsini gücləndirmək üçün İsrailə qabaqcıl THAAD raketdən müdafiə sistemini və qoşunlarını göndərəcək.

Rbc.ru xəbər verir ki, bu barədə Pentaqonun mətbuat katibi Patrik Rayder məlumat verib.

"Prezident Co Baydenin göstərişi ilə müdafiə naziri Lloyd Ostin aprelin 13 və oktyabrın 1-də İranın misli görünməmiş hücumlarından sonra İsrailin hava hücumundan müdafiəsini gücləndirmək üçün oraya uzun mənzilli raketdən müdafiə (THAAD) batareyası və ABŞ hərbçilərindən ibarət ekipaj göndərilməsinə icazə verib", - deyə o bildirib.