Avropa İttifaqı (Aİ) ölkələrindən Ukraynaya hərbi yardımın ümumi həcmi 110 milyard avroya çatıb ki, bu da ABŞ-ın yardımından çoxdur.

Bu barədə Aİ - nin xarici işlər və təhlükəsizlik siyasəti üzrə ali nümayəndəsi Xosep Borrell məlumat verib.

“Bu günə qədər biz Ukraynaya təkcə hərbi ehtiyaclar üçün 42 milyard avro ayırmışıq. Bu rəqəm ilin sonuna qədər 45 milyard avro olacaq”, - deyə Borrell qeyd edib.

O əlavə edib ki, ümumi iqtisadi və maliyyə yardımı artıq 110 milyard avroya çatıb.

İki gün əvvəl Avropa İttifaqı ölkələrinin xarici işlər nazirləri Lüksemburqda keçirilən görüşdə Kiyevə silah tədarükü üçün Avropa Fondundan vəsaitlərin açılmasına dair razılığa gələ bilməyiblər.

Borrell bəyan edib ki, töhfələr formal olaraq könüllü olduqda, Aİ dövlətləri Kiyevə silah tədarükünü maliyyələşdirməkdən imtina etməyəcəklər.