ABŞ prezidenti Co Bayden oktyabrın 17-də Almaniyaya səfər edəcək.

“Qafqazinfo” TASS-a istinadən xəbər verir ki, bunu Ağ Evin mətbuat katibi Karine Jan-Pyer jurnalistlər üçün keçirdiyi brifinqdə bildirib.

Onun sözlərinə görə, Amerika liderinin Almaniya kansleri Olaf Şolts və prezident Frank-Valter Ştaynmayerlə görüşü planlaşdırılır.

O qeyd edib ki, Ağ Ev rəhbəri Almaniya rəhbərliyi ilə təkcə ikitərəfli məsələləri deyil, həm də beynəlxalq gündəmi, o cümlədən Ukrayna böhranını müzakirə etmək niyyətindədir.

Prezident administrasiyası xatırladıb ki, Baydenin Almaniya və Anqolaya səfəri əvvəlcə oktyabrın 10-15-nə planlaşdırılıb, lakin yaxınlaşan “Milton” qasırğası səbəbindən səfər təxirə salınmalı olub.