ABŞ hökuməti Ukraynaya növbəti hərbi yardım paketinin məbləğini açıqlayıb.

TNS xəbər verir ki, bu barədə Ağ Evin yaydığı bəyanatda bildirilib.

"Bu gün prezident Ukraynaya 425 milyon dollarlıq hərbi yardım paketi elan edib. Bu paketə əlavə hava hücumundan müdafiə vasitələri, yerüstü sursatlar, zirehli maşınlar və Ukraynanın təcili ehtiyaclarını ödəmək üçün lazım olan kritik hərbi sursatlar daxildir", - bəyanatda deyilir.

Amerika administrasiyası həmçinin bəyan edib ki, noyabrda videokonfrans formatında dövlət və hökumət başçıları səviyyəsində Ukraynaya silah tədarükünün koordinasiyası üzrə təmas qrupunun iclası keçiriləcək.