Birləşmiş Ştatlar prezidentinin və digər yüksək rütbəli məmurların həyatını qorumaqla məşğul olan ABŞ agentliyi potensial təhlükələrin zorakılığa çevrilməsinin qarşısını almaq üçün ştat və yerli hüquq-mühafizə orqanlarından daha çox iş görmələrini istəyir və bütün ölkə üzrə polis orqanlarına bunu necə edəcəklərini göstərməyə çalışır.

Çərşənbə günü ABŞ Məxfi Xidmətinin Milli Təhlükələrin Qiymətləndirilməsi Mərkəzi (NTAC) yeni qaydalar irəli sürüb və hüquq-mühafizə orqanlarını heç bir qanun pozulmasa da, əhəmiyyətli narahatlıqların olduğu hallarda təhdidedici davranışları həll etmək üçün xüsusi bölmələr yaratmağa təşviq edib.

Təlimatlar xüsusi olaraq polis orqanlarını NTAC-ın adlandırdığı davranış təhlükəsinin qiymətləndirilməsi bölmələri yaratmağa çağırır ki, onlar potensial təhlükələri qiymətləndirə və fərdlərin zorakılığa əl atmasından əvvəl kömək almasını təmin etmək üçün resurslar təqdim etsinlər.

NTAC-ın hüquq-mühafizə orqanlarına daha fəal olmağın yollarını tapması üçün müraciəti yeni deyil. Beş il ərzində 173 kütləvi hücumu təhlil edən 2023-cü ilin yanvar hesabatı icmaları şahidlərin narahatlıqlarını bildirmələrini asanlaşdırmağa və böhran məsləhətçiləri və sosial xidmətlərdən daha tez müdaxiləni təmin etməyə çağırıb

Son təlimat milli təhlükəsizlik rəsmilərinin potensial zorakılığa hazırlaşdığı bir vaxta təsadüf edir.

Daxili Təhlükəsizlik Nazirliyinin ötən ay dərc etdiyi 2025-ci il üçün illik təhdid qiymətləndirməsində xəbərdarlıq edilib: “Gələn il ABŞ-da terror təhlükəsi mühiti yüksək olaraq qalacaq. Məxfi Xidmət özü keçmiş prezident və Respublikaçılar Partiyasından prezidentliyə namizəd Donald Trampa bir-biri ilə əlaqəsi olmayan iki sui-qəsd cəhdinə cavab verib və o, ehtimal olunan qatillərdən birinin dayandırılmamışdan əvvəl səkkiz güllə atmasının və yaralanmasının qarşısını ala bilmədiyi üçün tənqidlərə məruz qalıb.

Bu işi araşdıran müstəntiqlər bildiriblər ki, ölən 20 yaşlı silahlı şəxs aylarla sui-qəsdləri araşdırıb və keçmiş prezidenti “fürsət hədəfi” kimi görüb.

Təlimat polis orqanlarına xəbərdarlıq əlamətlərini daha tez aşkar və müdaxilə etmək yollarını tapmaq məqsədi daşıyır.

Bəzi ştatların hüquq-mühafizə orqanları artıq Məxfi Xidmət modelini qəbul ediblər. Şimali Karolina ştatının Təhqiqat Bürosu 2018-ci ildə Florida ştatının Parkland şəhərində 17 nəfərin ölümü ilə nəticələnən hücumdan sonra davranış analizinə əsaslanan təhlükələrin qiymətləndirilməsi bölməsi yaradıb.

Bölmə potensial hücumların qarşısını almaq üçün digər dövlət qurumları və ştatın universitet sistemi ilə işləyir. Havay ştatı da potensial zorakılıq hallarına müdaxilə etmək üçün bir qrup yaratdıb. ABŞ-ın paytaxtı Vaşinqtonda da oxşar proqram var.

ABŞ Daxili Təhlükəsizlik Nazirliyi 2020-ci ildən bəri Məqsədli Zorakılıq və Terrorizmin Qarşısının Alınması Qrant Proqramına təxminən 90 milyon dollar ayırdığını bildirib.