ABŞ Maliyyə Nazirliyinin Xarici Aktivlərə Nəzarət İdarəsi sanksiya siyahısını genişləndirib.

İqtisadiyyat.az xəbər verir ki, bu barədə idarənin saytına məlumat yerləşdirilib.

Məlumata görə, sanksiya rejimi artıq Rusiyann "Ticarət Evi "Vektor" MMC-yə, həmçinin Çin şirkətləri "Redelepus Vector Industry Shenzhen Co., LTD və Xiamen Limbach Aircraft Engine Co., LTD-yə şamil olunur.

Bundan başqa, BƏƏ və Marşall adalarında qeydiyyatdan keçmiş bir neçə şirkət də siyahıya daxil edilib.

Sanksiyalar həmçinin Rusiya vətəndaşı Artyom Mixayloviç Yamşikov və Ukrayna vətəndaşı Yevgeni Skryabinə də tətbiq olunub.

Tankerlərə gəldikdə isə, sanksiyalar kimyəvi maddələr, neft və neft məhsullarının daşınması üçün nəzərdə tutulmuş GRATIA, JUVENIS, KAPOK, KUKKI, LIANA, MARBEL, ONYX və TROPHY gəmilərinə tətbiq edilib.