Britaniya həbsxanaların həddindən artıq sıxlığı səbəbindən gələn həftənin əvvəlində təxminən 1100 məhbusu azad edəcək.

İqtisadiyyat.az bu barədə xarici mediaya istinadən xəbər verir.

Məlumata görə, onlar oktyabrın 22-də azadlığa buraxılacaqlar.

Xatırladaq ki, sentyabrın 6-da "The Daily Telegraph" nəşri yazıb ki, həbsxanalarında yer çatışmazlığı səbəbindən Böyük Britaniya məhbusları Estoniyaya göndərməyi düşünür. Məqalədə qeyd edilir ki, bu, Böyük Britaniya xəzinəsi üçün faydalıdır. Bildirilib ki, İngiltərə və Uelsdə bir məhbusun saxlanması ildə 50 min funt-sterlinqə başa gəlir, Baltikyanı ölkədə isə bu, ildə 10 min funt-sterlinqdən 20 min funt-sterlinqə qədər başa gələ bilər.