Böyük Britaniyanın müdafiə naziri Con Healey bildirib ki, London və Berlin tezliklə tarixi hərbi müqavilə bağlayacaqlar. SİA-nın əldə etdiyi məlumata görə, bu barədə “The Times” yazır.

Ölkələr arasında saziş NATO-nun şərq cinahında yerləşən ölkələrdə Kral Ordusu ilə Bundesver arasında birgə hərbi təlimləri nəzərdə tutur.

Sənəd həmçinin iki ölkəyə birgə daha çox silah və hərbi texnika almağa və hərbi texnologiyaların inkişafı sahəsində daha sıx əməkdaşlıq etməyə imkan verəcək.

...Böyük Britaniya bu həftə Almaniya ilə tarixi müdafiə sazişi imzalayacaq.

Bunu Böyük Britaniyanın müdafiə naziri deyib.

Onun fikrincə, Berlinlə saziş 2010-cu ildə Fransa ilə hərbi sazişdən sonra Böyük Britaniyanın ən əhəmiyyətli ikitərəfli sazişi olacaq.