Hindistan Çinlə sərhəd patrullarını bərpa etmək barədə razılığa gəlib. Bununla da iki ölkə arasında dörd illik sərhəd qarşıdurmasına son qoyulub.

Bloomberg xəbər verir ki, bunu Hindistanın xarici işlər naziri Subrahmanyam Cayşankar deyib.

Açıqlama Çin Prezidenti Si Cinpin və Hindistanın Baş naziri Narendra Modinin Rusiyada keçiriləcək BRİKS sammitində iştirak etməsindən bir gün əvvəl verilib və bu, iki lider arasında mümkün ikitərəfli görüşə yol açır.

Qeyd edək ki, Pekin və Dehli arasındakı münasibətlər 2020-ci ilin iyun ayından bəri dondurulub. O zaman Hindistan tərəfi 20 əsgərinin mübahisəli Hindistan-Çin sərhədində Çin əsgərləri ilə döyüşlərdə öldürüldüyünü iddia edib.