Avropa İttifaqı (Aİ) dünyada ən çox spirtli içki istehlak edən regiondur.

Oxu.Az-ın məlumatına görə, bu barədə fevralın 3-də Ümumdünya Səhiyyə Təşkilatının (ÜST) Mətbuat Xidməti açıqlama verib.

ÜST-dən bildirilib ki, Avropa İttifaqında (Aİ) alkoqol istehlakı son on ildə dəyişməz qalıb, bu da Aİ-ni dünyada ən yüksək alkoqol istehlakına sahib region edir. Hazırda Aİ alkoqol istehlakını azaltmağa yönəlmiş qlobal və regional hədəflərə çatmaqdan uzaqdır.

Həmçinin qeyd olunub ki, mütəxəssislər alkoqol istehlakının azaldığı və ya aşağı səviyyədə qaldığı ölkələrin təcrübəsini öyrənmək üzərində çalışırlar.

Son məlumatlara görə, dünyanın ən çox spirtli içki istehlak edən ölkələri sırasına Latviya və Litva başçılıq edir. Baltikyanı ölkələrin sakinləri ildə orta hesabla 12 litr spirtli içki istehlak edirlər.