Yaponiyanın Ofunato bölgəsində dörd gündür davam edən meşə yanğını nəticəsində 1400 hektar əraziyə ziyan dəyib.
İqtisadiyyat.az xəbər verir ki, bu barədə ölkənin yerli hakimiyyət orqanları məlumat yayıb.

Qeyd edilib ki, hadisə səbəbindən bu günədək 1033 nəfər təxliyyə olunub. Hazırda 700-dən çox evin elektrik enerjisi kəsilib.

Yanğın səbəbindən bölgədə bəzi qatar reysləri də ləğv edilib.

Səlahiyyətlilər bölgədə quru hava və küləklərin söndürmə işlərini çətinləşdirdiyini bildirib. Yanğın nəticəsində indiyədək bir nəfər həyatını itirib.