Elon Musk üçün uşaq sahibi olmaq sanki çörək bişirmək qədər adi bir şeydir. Həftə sonu məlum oldu ki, dünyanın ən varlı adamı (hazırkı sərvəti “Forbes”ə görə təxminən 346 milyard avro) və ABŞ Prezidenti Trampın yaxın məsləhətçisi 14-cü dəfə ata olub.
Muskın ən son övladı oğlandır. Bu xəbəri onun həyat yoldaşı Şivon Zilis “X” platformasında paylaşıb. Kanadalı Zilis 2023-cü ilə qədər Muskın SpaceX və Neuralink şirkətlərində yüksək vəzifə tuturdu.
Zilis oğulları haqqında belə yazıb: “Bu barədə Elonla danışdım və gözəl Arcadianın doğum gününü nəzərə alaraq, möhtəşəm və inanılmaz oğlumuz Seldon Lycurgus haqqında da açıq danışmağın daha yaxşı olacağını düşündük. O, möhkəm bədən quruluşuna malikdir və qızıl kimi saf bir ürəyə sahibdir. Biz onu çox sevirik.” O, körpənin şəklini paylaşmayıb.
Musk bu xəbəri ürək emojisi ilə şərh edib. Tesla rəhbərinin Şivon Zilis ilə artıq Strider və Azure adlı əkiz övladları var. Keçən il onların üçüncü birgə övladı dünyaya gəlib. Lakin indiyə qədər nə cinsi, nə də adı açıqlanmışdı.
Şivon Zilis indi açıqlayıb ki, onların üçüncü övladının adı Arcadiadır. O, 28 fevralda “X”də qızının ilk doğum gününü qeyd edərək yazıb: “1 yaşın mübarək, əziz Arcadia. Anan səni bütün qəlbi ilə sevir.”
Sarvan Səmədoğlu
TEREF