London Britaniya hərbçilərinin Ukrayna ərazisinə yerləşdirilməsinin tərəfdarıdır.
İqtisadiyyat.az xəbər verir, bu barədə Böyük Britaniyanın baş naziri Key Starmer bildirib.

Onun sözlərinə görə, Avropa sülhün bərqərar olmasından sonra da Ukraynanı silahlandırmaqda davam edəcək.

Avropa liderlərinin Ukraynaya hərbi yardımla bağlı görüşünün yekunları üzrə Böyük Britaniya parlamentində Starmer deyib: "Britaniya, lazım gələrsə, digərləri ilə birlikdə Ukraynaya quru qoşunları və təyyarələrin göndərilməsində aparıcı rol oynayacaq".