ABŞ Prezidenti Donald Trampın Qrenlandiyanı Birləşmiş Ştatlara qoşulmağa dəvət edən və adaya nəzarəti ələ keçirmək istəyini təkrarlayan açıqlamaları Qrenlandiya administrasiyasının sərt reaksiyası ilə qarşılanıb.

Belə ki, Baş nazir Lal Bourup Egede Trampın bu bəyanatlarına doğru hesab etmədiklərini açıqlayıb.

“Biz satılmırıq, gələcəyimizə yalnız biz qərar veririk! Biz amerikalı və ya danimarkalı olmaq istəmirik, biz Qrenlandiyalıyıq. Amerikalılar və onların liderləri bunu başa düşməlidirlər. Satılmırıq və alına da bilmərik”,-deyə o, qeyd edib.

Xatırladaq ki, Donald Tramp ABŞ Konqresindəki çıxışında Qrenlandiyanın öz müqəddəratını təyinetmə hüququnu dəstəklədiyini bildirib, lakin adanın milli və beynəlxalq təhlükəsizlik baxımından ABŞ üçün kritik olduğunu vurğulayıb.