Böyük Britaniyanın baş naziri Kir Starmer Britaniya hərbçilərini qeyri-müəyyən müddətə Ukraynada sülhməramlılar kimi yerləşdirməyə hazırdır.

Bu barədə “The Times” nəşri xəbər verib.

“Baş nazir sülhü qorumaq cəhdində Qərb müttəfiqləri ilə birlikdə Britaniya qoşunlarını “lazım olduğu qədər” yerləşdirməyə açıq öhdəlik götürməyə hazırdır”, – deyə nəşr yazıb.

Qeyd edilib ki, “istəklilər koalisiyası”nın müdafiə nazirləri sülhməramlı qüvvələrin harada yerləşdirilməli olduğunu “ətraflı” müzakirə etmək üçün cümə axşamı Londonda görüşəcəklər.

Bildirilib ki, İngiltərə, Fransa, Türkiyə, Kanada və Avstraliya da daxil olmaqla təxminən altı ölkə Ukraynaya 30 minə qədər hərbçi göndərmək planlarını müzakirə edir.