Ukraynaya əhəmiyyətli sayda ölkə sülhməramlı qüvvə göndərməyə hazırdır.

“Guardian” qəzeti xəbər verir ki, bu barədə Böyük Britaniyanın Baş naziri Kir Starmerin rəsmi nümayəndəsi bildirib.

Starmer martın 15-də Ukraynaya dəstək və təhlükəsizlik təminatlarını müzakirə etmək üçün “istəklilər koalisiyası” liderləri ilə onlayn görüş keçirib. KİV Britaniyanın Ukraynada sülhməramlılar yerləşdirmək planlarından xəbər tutub.

“Bu, xeyli sayda qoşun yerləşdirən ölkələr və başqa yollarla töhfə verən geniş bir qrup ölkə ilə əhəmiyyətli bir qüvvə olacaq”, - KİV baş nazirin nümayəndəsindən sitat gətirib.

Bundan əvvəl Böyük Britaniyanın Baş naziri Kir Starmer və Fransa Prezidenti Emmanuel Makronun 37 ölkəni Ukraynada sülhməramlılar yerləşdirməyə və Kiyevə təhlükəsizlik zəmanəti verməyə hazır olan dövlət koalisiyasını yaratmaq üçün çalışdığı xəbər verilmişdi.