Nüvə sazişi kimi də tanınan Birgə Hərtərəfli Fəaliyyət Planı (JCPOA) indiki formada bərpa edilə bilməz.

"Unikal" xəbər verir ki, bunu İranın xarici işlər naziri Abbas Əraqçi İranın “Xəbər-e Online” telekanalına müsahibəsində deyib.

Onun sözlərinə görə, İran sazişin şərtlərinə qayıda bilməz, çünki bu saziş imzalanandan bəri ölkə nüvə sahəsində mühüm irəliləyiş əldə edib: "Saziş hazırkı formada bizim üçün uyğun deyil. Vəziyyətimiz xeyli dəyişib və biz əvvəlki şərtlərə qayıda bilmərik".