"Rusiya ilə münasibətlər Moskva ilə dostluqda ittiham edilən Donald Trampın hakimiyyətə gəlişinə qədər də Krımın ilhaqı ilə bağlı gərgin idi".

Strateq.az "Fars News"a istinadla xəbər verir ki, bunu ABŞ-ın Baş Qərargah Rəisləri Komitəsinin sədri general Cozef Danford Brukinqs İnstitutunda görüşü zamanı deyib.

General C.Danfordun sözlərinə görə, Rusiyanın Krımı ilhaq etməsi və Suriyaya müdaxuiləsi ötən əsrin 80-ci illərindəki köhnə siyasətin davamıdır.

Dunford deyib: "Əlbəttə, Amerikanın hərbi qüdrəti rus ordusundan daha güclüdür. Mən bu üstünlüyə inanıram. Əminəm ki, onlar da bunu bilir".

"ABŞ NATO üzrə müttəfiqləri qarşısında öhdəliklərini yerinə yetirir və etibarımız ləkələnməyib", – deyə C.Dandord əlavə edib.

General Danford bildiruib ki, İranın davranışında heç bir yenilik yoxdur. "Tehranın Suriya, Livan, İraq və regionun digər ölkələrində təsirini görmək mümkündür".

Cənubi Çin dənizindəki gərginlikdən danışarkən o deyib: "Çin də, Rusiya kimi, öz hərbi qüdrətini gücləndirir".

General C.Danford İŞİD-lə mübaizəyə dair D.Trampın xüsusi plan hazırlamaq barədə tapşırığından da danışıb.

ABŞ hərççisi deyib: "Pentaqonun bu məsələ ilə bağlı bir neçə seçəncəyi var və onlar prezident trampa təqdim olunub, indi seçim onundur".

O bildirib ki, Pentaqonun rəyinə görə, İŞİD və digər transmilli terrorist qrupların tərkibində döyüşmək üçün 120 ölkədən 45 min adam Suriyaya və İraqa gəlib.