Çinin Çançun şəhər sakini sevdiyi qıza puldan “gül buketi” düzəldib. Bu barədə “Daily Mail” qəzeti xəbər verir.

Kişi gül mağazasına içərisində 10 min yuan olan çanta gətirib və onlardan gül buketi hazırlamağı xahiş edib. O, mağaza sahibinə izah edib ki, sevgilisinə gözəl Xoruz ili başlanğıcı hazırlamaq istəyib. Pul buketi sosial şəbəkələrdə çinli istifadəçilər tərəfindən neqativ reaksiyaya səbəb olub. Xüsusən çinli qızlar bu cür hədiyyənin aşağılayıcı olduğunu, heç bir romantik dəyərə malik olmadığını deyiblər.


“İndi pul buketi hədiyyə edibsə, maraqlıdır ki, bir-iki ildən sonra nə hədiyyə edəcək?” Bu cür rəyləri isə daha çox kişilər deyib.(musavat.com)