Ukraynanın şərqində şiddətli döyüşlər gedir
3-03-2017, 12:56
Ukraynanın şərqində vəziyyət gərginləşib.
Avropa.info xəbər verir ki, dünən Ukrayna hərbçilərinin mövqelərinə 116 dəfə atəş açılıb. Nəticədə bir hərbçi ölüb, 15 nəfər yaralanıb.
Separatçılar Mariupol istiqamətində “Qrad” qurğularından atəş açıblar. Qnutovo rayonu tanklardan, Krasnoqorovk isə minaatanlardan atəşə tutulub.
Luqansk istiqamətində 152 mm-lik toplarda atəş açılıb. Donetskdə Troitsk, Avdeyevka yaşayış məntəqələri zenit qurğuları ilə vurulub.
