İraq ordu qüvvələri Mosulda İŞİD-in Qədim şəhər məhəlləsinə nəzarət edən komandirini öldürüblər.

SalamNews-un "Reuters"-ə istinadən xəbərinə görə, hərbçilər İŞİD komandiri Əbu Əbdürrəhman əl-Ənsarini Bab əl-Tub mikrorayonu uğrunda aparılan döyüşlərdə zərərsizləşdiriblər.

Qeyd edək ki, bugünədək Mosuldan xeyli İŞİD komandiri qaça bilib, əl-Ənsarinin öldürülməsi ilə şəhərdə qalan terrorçulara ağır zərbə hesab olunur.

Bildirilib ki, İraq ordusu könüllü qüvvələrin dəstəyilə Mosuldakı Polad körpüyə yaxınlaşıb. Körpü azad edilərsə, Mosulda Dəclə çayı üzərindəki 5 əsas körpüdən üçü ordunun nəzarətinə keçmiş olacaq. Əsgərlərin artıq körpünün 100 metrliyinə çatdıqları qeyd olunur.