Rusiya Federal Təhlükəsizlik Xidmətinin (FTX) bəzi əməkdaşları ölkədən Moldova vasitəsilə 22 milyard dollar çıxarılması üzrə sxem qurublar.

Publika.az xəbər verir ki, bu haqda Moldova məmurlarına istinadən “Reuters” agenliyi yazıb.

Agentliyin mənbələri hesab edirlər ki, maliyyə vəsaiti Rusiyanın təsirinin gücləndirilməsi üçün Moldova deputatları və Moskvanın maraqlarının müdafiəsi üçün istifadə oluna bilər.

“Reuters”in həmsöhbətlərinin məlumatına görə, sxemə biznesmen Vyaçeslav Platon cəlb olunub. Agentliyin həmsöhbətlərinin sözlərinə görə, Rusiya pul yuyulması haqqında araşdırmanın keçirilməsinə mane olmağa çalışır və ölkəyə Moldova məmurlarını buraxmır.