İŞİD-in sıralarında təqribən 2500 rusiyalı terrorçu var
22-03-2017, 20:15
İŞİD-ın sıralarında savaşan terrorçuların təqribən 2500 nəfəri Rusiyadandır. Bu haqda Kollektiv Təhlükəsizlik Müqaviləsi Təşkilatının (KTMT) baş katibi səlahiyyətlərini icra edən Valeri Semerikov məlumat verib.
“Rusiyadan İŞİD sıralarında təqribən 2-2,5 min nəfər vuruşur. Mən Qafqazı da nəzərdə tuturam”, Semerikov deyib, TASS xəbər verir.
Bundan öncə Rusiya prezidenti Vladimir Putin İŞİD sıralarında təqribən 4 min Rusiya vətəndaşının vuruşduğunu bildirmişdi. 2016-cı ilin iyun ayında isə KTMT-nin o vaxtkı baş katibi Nikolay Bordyuja İŞİD sıralarında KTMT ölkələrindən 10 minə yaxın yaraqlının vuruşduğunu bildirmişdi.