Almaniya, Hollandiya, ABŞ və Kanada alimlərindən ibarət olan beynəlxalq qrup 1 inyeksiyanın köməyi ilə orqanizmdə xolesterolun səviyyəsini 2 dəfəyə qədər azaltmağa nail olublar.

teref.az saglamolun.az-a istinadən bildirir ki, xolesterol piyə bənzər maddədir. Bu maddə damarlarda yığılaraq onların daralmasına, zəif və kövrək olmasına səbəb olur. Bu isə ürək-damar sistemi xəstəliklərinin, o cümlədən infarkt və insultun əsas səbəbidir.

The New England journal of medicine xəbər verir ki, alimlər orqanizmdə xolesterolun səviyyəsini tənzimləyən PCSK9 genə təsir edən xüsusi dərman hazırlayıblar. Dərman inyeksiya şəklində orqanizmə yeridilir.

Araşdırma göstərib ki, 1 inyeksiyadan sonra xolesterolun səviyyəsi 42%, 2 inyeksiyadan sonra isə 50%-dən çox aşağı düşür və bu effekt uzun müddət ərzində qalır.