Moldovanın nəqliyyat və yol infrastruktur naziri də saxlandı
27-04-2017, 23:26
Moldovanın nəqliyyat və yol infrastruktur naziri Iurie Chirinciuc korrupsiya ittihamı ilə saxlanıb.
Bu barədə aprelin 27-də AzadlıqRadiosunun Moldova xidməti məlumat yayıb.
Milli antikorrupsiya agentliyinin maskalı əməkdaşlarıaprelin 27-də nazirliyin binasına girərək onu aparıblar.
Bundan bir gün əvvəl Dövlət yollar administrasiyasının rəhbəri Veaceslav Teleman-da saxlanıb.
O da korrupsiyada şübhəli bilinir.
Həmçinin məhkəmə bundan əvvəl paytaxt merinin müavini Nistor Grozavu və Şəhər nəqliyyat departamentinin rəisiIgor Gamretchi-ni eyni məsələyə görə ev dustağı edib.
Həmçinin iqtisadiyyat nazirinin müavini Valeriu Triboli aprelin 3-dən korrupsiya ittihamı ilə ev dustağıdır.
Kənd təsərrüfatı naziri Eduard Grama da bu ilin martından eyni ittihamla ev dustağıdır.
