Rusiya Xarici İşlər Nazirliyinin əməkdaşı tanıdığı qadını və onun qızını tüfəngdən güllələyəndən sonra özü intihar edib. "Report" "RİA Novosti"yə istinadən verdiyi xəbərə görə, hadisə Moskvanın cənub-qərbində Lenin prospektində yerləşən yaşayış binasında baş verib.
"Biz XİN əməkdaşı ilə bağlı faciədən xəbərdarıq. Hüquq-mühafizə orqanları baş verən hadisənin təfərrüatlarını araşdırır”, – XİN-in informasiya və mətbuat departamentindən bildirilib.
Eyni zamanda Nazirlik hadisənin detalları barədə məlumat verməyib.