Böyük Britaniya istənilən kiber-hücuma ənənəvi silahlarla, eyni zamanda aviasiya vasitələri ilə cavab verməyə hazırdır.

Axar.az xəbər verir ki, bu sözləri Böyük Britaniyanın Müdafiə naziri Maykl Fellon “Tayms” nəşrinə müsahibəsi zamanı deyib.

“Britaniyanın cavab zərbəsi su, quru, hava və ya elə kiber-hücumla ola bilər. Bizim kifayət qədər müasir kiber-silahlarımız İŞİD-lə mübarizədə istifadə olunur. Britaniya NATO ölkələrini kiber-hücumla hərbi hücumu eyni dəyərləndirməyə çağırır. Alyansın hər hansı üzvünə qarşı istənilən kiber-hücum NATO-ya hücum kimi qiymətləndirilməlidir”, - nazir bildirib.