Ötən axşam Tiflisin ən iri inşaat materialları bazarı “Eliava”da başlayan yanğın söndürülüb.

APA-nın xəbərinə görə, bu barədə “Rustavi-2” telekanalına Gürcüstan paytaxtının vitse-meri Laşa Abaşidze bildirib.

Onun sözlərinə görə, alov 400 kv. metr sahəni əhatə edib. Yanğın zamanı xəsarət alan bir nəfər xəstəxanaya yerləşdirilib. Bazarın avtomobillər üçün ehtiyat hissələri satılan ərazisində baş verən yanğının səbəbləri araşdırılır.