Fransanın cənubunda, Tuluza şəhərində baş verən silahlı insident nəticəsində azı 1 nəfər ölüb, 6 nəfər yaralanıb.

APA-nın RİA Novosti agentliyinə istinadən verdiyi xəbərə görə, motosikletli iki naməlum silahlı bir qrup insana atəş açaraq aradan çıxıblar.

Nəticədə bir nəfər ölüb, 6 nəfər yaralanıb, onlardan 2-nin vəziyyəti ağır kimi qiymətləndirilir.

Hadisə yerinə polis qüvvələri cəlb edilib. Cinayəti törədənlərin yaxalanması istiqamətində zəruri tədbirlər görülür. Hadisənin mübahisə zəminində baş verdiyi, terrorla əlaqəli olmadığı bildirilir.